Arquivo por etiquetas: Consorcio

Xuñ. 18.

Forza, dignidade e compromiso.

Vota CIG

Eleccións Sindicais no Consorcio Galego de Servizos de Igualdade e Benestar
A CIG preséntase a estas eleccións sindicais, facendo un balance positivodo traballo sindical realizado ao longo destes catro anos.

Etiquetas: , , ,

Xuñ. 12.

Que malas son as hemerotecas e que difícil é manter a coherencia

A perla de CSI-F

A perla de CCOO

Etiquetas: , , , ,

Xuñ. 02.

CIG INFORMA sobre as Oposicións ao Consorcio

Etiquetas: , , ,

Mar. 07.

A CIG denuncia persecución e represión para impedir as mobilizacións nos centros de traballo do Consorcio Galego de Servizos de Igualdade e Benestar

A CIG denuncia persecución e represión para impedir as mobilizacións nos centros de traballo do Consorcio Galego de Servizos de Igualdade e Benestar

Etiquetas: , ,

Mar. 02.

Continúan as mobilizacións das traballadoras/es do Consorcio Galego de Servizos de Igualdade e Benestar.

En contra da privatización, en defensa do posto de traballo e pola aplicación do V Convenio do persoal laboral da Xunta de Galiza.

Estas mobilizacións enmárcanse na loita que máis de 1500 traballadoras/as están levando a cabo para que se lles aplique o V Convenio do persoal laboral da Xunta de Galiza, en contra da privatización e en defensa do posto de traballo.

Malia que o propio Consorcio depende da Consellaría de Traballo e Benestar, non teñen convenio colectivo e están moi lonxe de ter as mesmas condicións de traballo e salario que ten o persoal laboral da Xunta de Galiza da mesma categoría e profesión. O persoal do Consorcio percibe uns salarios reducidos nun terzo, aproximadamente, respecto á dos seus homólogos da Xunta.

A consellaría de Traballo e Benestar vén de iniciar o camiño da privatización dos servizos que presta o Consorcio. Así, a día de hoxe, xa hai cinco “Galiñas azuis” privatizadas e igual sorte correrán as próximas 12 “Galiñas azuis” que se van abrir para o vindeiro curso. Mais, a súa ambición privatizadora pretende continuar, despois, coas escolas infantís que hoxe están funcionando como públicas.

Diante desta situación de total abandono e desconsideración, por parte do xerente do Consorcio e da propia consellaría de Traballo e Benestar, referente á estabilidade do colectivo, ás condicións de traballo e a aposta polo desmantelamento do carácter público do Consorcio, exiximos que se inicie un proceso negociador para aplicar a todo o persoal do Consorcio o V Convenio único do persoal laboral da Xunta de Galiza, para que todos os centros dependentes do Consorcio sexan de xestión pública e que se garanta a estabilidade dos traballadoras/es.

Etiquetas: , , ,

Feb. 25.

Centos de persoas maniféstanse en Compostela contra o desmantelamento e privatización das ‘galiñas azuis’ e dos centros de día

Convenio XA!

Non á privatización do Consorcio. Pola consolidación dos postos de traballo.

Reclamaron a aplicación do convenio único do persoal laboral da Xunta de Galiza e a consolidación dos postos de traballo para o persoal do Consorcio

Máis de 700 persoas manifestábanse esta mañá en Compostela para denunciar a privatización dos servizos públicos e o desmantelamento do Consorcio Galego de Servizos de Igualdade e Benestar. Con esta mobilización manifestouse ademais o rexeitamento á privatización das escolas infantís e centros de día e demandouse a aplicación do Convenio Único e a consolidación dos postos de traballo.

A Xunta iniciaba, despois de privatizar xa algúns centros de día, o pasado 17 de xaneiro, a carreira privatizadora das escolas infantís “galiña azul”, coa publicación no DOG da privatización da xestión da escola infantil de Monteporreiro, en Pontevedra. A partir desa data sucedíanse os anuncios de licitación da xestión privada doutras escolas infantís: Betanzos, Carballo, O Pino, Coristanco e “está previsto que continúe coas que se vaian abrindo coa pretensión de continuar coas que hoxe están funcionando como públicas”.

Así comezaba o manifesto ao que deron lectura tres traballadoras destas escolas infantís, ao remate da manifestación, na Praza de Cervantes, tras percorrer a zona vella compostelá.

Un manifesto no que tamén se denunciou que a Xunta de Galiza está outorgando a empresas afíns ideoloxicamente, como FESAN, ligada ao OPUS, a concesión deste centros públicos. Empresas que, lembraron, “van buscar o máximo de beneficio en detrimento da calidade do servizo e do empeoramento, aínda máis, das condicións de traballo”.

Concesións que, afirmaron, son unha “indecencia”, máis logo de que o Consorcio investise diñeiro público na construción destas escolas, e que agora son ofertadas a empresas privadas “apostando polo clientelismo e a privatización”.

Do mesmo xeito, alertaron de que, precisamente agora, cando máis grave é a crise, “son precisamente os usuarios dos servizos que presta o consorcio o colectivo que precisa máis atención, por ser os sectores sociais máis desfavorecidos socialmente e os que sofren de xeito máis duro as consecuencias desta situación”. Por iso, afirmaron, “non podemos permitir que se pretenda desmantelar servizos, destruír emprego nin aceptar un paso atrás nas prestacións sociais e no seu carácter público”.

Lembraron o despedimento de 61 traballadoras das oficinas de I+B e denunciaron que o PP, no seu empeño de destruír emprego público, vén agora de aprobar, no Comité Directivo do Consorcio, a modificación do catálogo de postos de traballo que supón a supresión de 208 postos na área de educación infantil, 27 na área de servizos sociais e 14 en servizos centrais, en total, 249 postos”.

Precariedade laboral

Do mesmo xeito denunciaron que o persoal do Consorcio segue sen acadar as condicións de traballo básicas “dereito a un convenio colectivo que regule as súas relacións laborais e dereito a unha relación laboral fixa”. Alén diso, subliñaron que non teñen a posibilidade de acceder ao cobro de antigüidade ou á negociación de incrementos salariais anuais, mais si a que se lles reduza o salario nun cinco por cento, por mor das restricións económicas que se lles aplican a todos os traballadores/as da administración. “Aplícanselles as medidas máis negativas, mais non gozan dos dereitos de quen traballa para a administración pública”.

Ante esta situación exixiron que se inicie un proceso negociador para aplicar a todo o persoal do Consorcio e Convenio Único de persoal laboral da Xunta de Galiza; que todos os centros de nova apertura sexan de xestión pública e, polo tanto, dependan directamente da administración, incluídos os centros para os que xa se convocou a licitación da xestión privada e que se manteña o carácter público de todos os centros e o mantemento de todos os postos de  traballo existentes a día de hoxe e se garanta a estabilidade laboral de todo o persoal.

Outra galería de Imaxes

Etiquetas: , , ,

Feb. 22.

Delegadas e delegados da CIG concentráronse diante do Consorcio Galego de igualdade e Benestar

Delegadas e delegados da CIG concentráronse diante do Consorcio Galego de igualdade e Benestar

Etiquetas: , , ,

Feb. 21.

Non vos esquecer, o mércores todas e todas as que poidades temos unha cita en Compostela.

E acordarvos de asinar e pedirlle ás vosas compañeiras e compañeiros que asinen, podedes facelo na seguinte ligazón

Etiquetas: , , ,

Feb. 17.

Recollida de Sinaturas do Persoal do Consorcio.

Os e as abaixo asinantes, traballadores e traballadoras do Consorcio Galego de Servizos de Igualdade e Benestar, diante da situación actual de negativa a negociar un convenio para todas as traballadores e traballadores, a falta de garantías do mantemento dos postos de traballo e o inicio das privatizacións dos centros de nova apertura , esiximos:

1. Que se inicie un proceso negociador para aplicar a todo o persoal do Consorcio o Convenio único de persoal laboral da Xunta de Galicia como primeira medida.

2. Que todos os centros de nova apertura sexan de xestión pública e por tanto dependan directamente da Administración, incluídos os centros para os que xa se convocou a licitación da xestión privada.

3. Que se manteña o carácter público de todos os centros da rede así como o mantemento de todos os postos de traballo existentes a día de hoxe e se garanta a estabilidade de todas as traballadoras e traballadores.

Fotografías das Concentracións nas Galescolas

Etiquetas: , , , ,

Feb. 10.

Asemblea traballadoras e traballadores do gonsorcio galego de igualdade e benestar

Etiquetas: , ,