Arquivo por etiquetas: Represion

Dec. 04.

A CIG convoca concentracións o martes 4 de decembro diante dos xulgados en contra da represión sindical

A central denuncia os intentos de criminalizar a contestación social aos recortes coa reforma do Código Penal que prepara o PP. 

A CIG ten convocadas concentracións este martes, 4 de decembro, diante dos xulgados das distintas cidades galegas para denunciar os intentos de criminalizar a contestación social aos recortes, de rexeitamento á reforma do Código Penal que prepara o PP, así como para amosar a repulsa ás novas taxas xudiciais impostas polo Goberno español. As protestas enmárcanse na campaña que a central nacionalista está desenvolver contra a persecución e represión sindical, concretada na folga de fame que a CIG está a desenvolver dende hai unha semana en Pontevedra contra a condena a prisión a tres sindicalistas.
En Pontevedra a concentración terá lugar ás 12:00 horas, ao remate dunha asemblea de delegados/as, diante da Audiencia Provincial, onde está instalada a caravana, no cruce das rúas Rosalía de Castro e Reina Vitoria.
No resto das cidades os lugares e as horas son:
Compostela: ás 12:00 horas, nos xulgados de Fontiñas.
A Coruña: ás 12:00 horas, nos xulgados da Rúa Monforte.
Ferrol: ás 10:30 horas, diante dos xulgados da Rúa Coruña.
Lugo: ás 12:00 horas, nos xulgados da Praza Avilés.
Vigo: ás 11:30 horas, diante dos xulgados na rúa Lalín.
Ourense: ás 12:00 horas, diante do Pazo de Xustiza

Etiquetas: , , , ,

Out. 05.

SE DESPOIS DE VER ESTE VÍDEO SEGUIDES PENSANDO QUE VIVIMOS NUNHA DEMOCRACIA NORMAL EU XA NON SEI QUE DICIRVOS!!!

A CIG repulsa a represión e torturas da policía contra o compañeiro Pintos e os intentos do PP de criminalizar a loita sindical.

A CIG denuncia a carga policial e a detención e torturas padecidas polo compañeiro Xesús A. López Pintos, responsábel da central sindical na comarca de Ferrol. A este respecto, o Secretario Xeral da CIG, Xesús Seixo, manifestaba ás portas dos xulgados de Ferrol que estas actitudes, veñen demostrar a política represiva da que se vale o PP para acalar e reprimir todas aquelas voces que se levantan contra as súas medidas antisociais e antiobreiras.

SE DESPOIS DE VER ESTE VÍDEO SEGUIDES PENSANDO QUE VIVIMOS NUNHA DEMOCRACIA NORMAL EU XA NON SEI QUE DICIRVOS!!!

Que teñan claro que á CIG non a van calar nin así nin de ningunha outra forma.

ÁNIMO PINTOS!!

É alucinante o país no que vivimos, esperemos que isto teña consecuencias, se non as ten, xa non entendo nada, que máis teñen pensado facer.

Pero de verdade que ningún dos policías que estaba no corredor ten os ovos necesarios…

Etiquetas: , , ,

Xuñ. 05.

Piden 5 anos de cadea para Antolín Alcántara e Víctor García, dirixentes sindicais da CIG

Antolin Alcántara (responsábel de Negociación Colectiva da CIG) e Víctor Garcia (anterior responsábel do Naval en Vigo e traballador do sector), enfróntanse a penas de cinco anos de cadea pola participación na folga do naval no ano 2007. O xuízo celébrase o próximo 7 de Xuño ás 09,30h en Vigo. Son os únicos procesados, de entre os doce que compoñían o Comité de Folga, 3 por cada sindicato (CIG, CCOO, UGT e CUT). É inexplicábel por tanto a petición da fiscalía e demostra que se trata dun xuízo político para parar o movemento obreiro representado polo sector do metal en Pontevedra. O compañeiro Antolín xa foi xulgado nestes días atrás cunha petición de catro anos de prisión, pola ocupación da estación marítima na folga do metal no ano 2009.

Naquela folga do ano 2007 que durou 18 días, esixíase o cumprimento do convenio na contratación de persoal fixo. Os empresarios dicían que cumprian o convenio, pero a raiz da folga tiveron que facer 3000 contratos fixos nun mes.

A xustiza e o poder político, a petición dos empresarios que reclamaron insistentemente una actuación penal, decidiron atacar na cabeza para dar exemplo, pero só á CIG. Non podían permitir que o metal en cada convenio loitara e fora mellorando de xeito significativo e mellor que ninguén as condicións de traballo. O metal de Pontevedra coa maioría da CIG dende o ano 1999 conseguiu nos dez anos seguintes pasar en salarios do posto 27º no Estado ao posto 4º.

O poder económico e político quere criminalizar o movemento obreiro. Veñen tempos difíciles co PP, que modifica o Código penal porque non quere contestación social que faga fronte á súa política de reformas e de desfeita dos dereitos, que só ataca os pobres, a clase traballadora. Fannos pagar a débeda dos bancos, pero non procesan os seus directivos que causaron a crise e saíron máis ricos do que entraron, nin os grandes empresarios que cometen fraude fiscal. Máis de 80 mil millóns de euros no ano 2010, recoñecido pola Inspección de Facenda, máis que toda a débeda do Estado, só nas grandes empresas.

Esta é a xustiza do sistema e temos que comprender que non teremos futuro nin o terán os nosos fillos e fillas, se non paramos esta guerra contra nós. Nós somos a gran maioría, os que creamos a riqueza, os que facemos que o mundo funcione e que poida ser mellor.

Xoves 7 de xuño

CONCENTRACIÓN

ás 9:30h nos xulgados de Vigo

SOLIDARIEDADE!

Etiquetas: , ,

Mai. 16.

VENCEREMOS NÓS.
A represión ao metal e o proceso a Antolín Alcántara.

Etiquetas: , ,

Feb. 21.

Democracia? Eu diría represión.

Etiquetas: ,