Arquivo por etiquetas: Sermos

Mai. 05.

Subscríbete ao semanario Sermos Galiza

Subscríbete ao semanario Sermos Galiza

Etiquetas: , ,

Abr. 22.

Xa nos podemos suscribir ao semanario de SERMOS GALIZA?

Eu xa o fixen, e ti?

Xa falta menos para ter voz propia na Galiza!!!

Etiquetas: , , ,

Abr. 19.

Sermos Galiza

A redacción para un novo proxecto.

Unha redacción composta por cinco xornalistas, xunto cunha rede de persoas colaboradoras, son as responsábeis de botar a andar Sermos Galiza. Cun perfíl variado e con intereses profesionais en distintos ámbitos comunicativos, os cinco nomes compoñen o cadro de persoal inicial do novo xornal dixital e do semanario que nacerán en breve.

Co fin de artellar a redacción asumindo responsabilidades nas diversas áreas, os perfís profesionais escollidos responden tamén ás necesidades das distintas áreas comunicativas. Deste modo, Xesús Manuel Piñeiro, ocuparase dan sección de economía á que Sermos quere darlle o relevo que merece no momento de crise e desfeita do mundo laboral que vivimos. A súa experiencia en distintas cabeceiras de carácter diario dentro do ámbito da información económica avalan a súa traxectoria.

En distintos proxectos xornalísticos participou tamén Rodri Suárez, responsábel en Sermos da coordinación da área política, unha sección que se abre aos distintos aspectos sociais, organizativos e institucionais do acontecer galego.

Do mundo das organizacións non gubernamentais e o cooperativismo, con formación en temas de xénero e conciencia feminista, Beti Vázquez porase á fronte da área social do xornal.

Especial relevo daralle o novo xornal ao mundo da cultura. Propostas, iniciativas, protagonistas e análise da política institucional merecerán atención tanto no xornal dixital como no semanario. Como un novo elo na tradición do xornalismo galeguista e nacionalista, a cultura terá en Sermos un voceiro que pretende estar ao día, difundir, promover e ser un referente para un sector para quen a comunicación é un dos seus principais eixos. Carme Vidal e Antón Fernández Escuredo serán os xornalistas que se encargarán de abordar a información cultural en Sermos e porán ao tempo a atención noutras seccións novas que definen o perfil do medio informativo como será a preocupación pola recuperación da nosa memoria histórica.

A producción cultural dedicada ás crianzas terá tamén un espazo de privilexio en Sermos Galiza, en resposta á preocupación pola inmersión en galego nas idades primeiras. Música, teatro, libros, obradoiros e demais programacións ocuparán unha sección singular no panorama informativo galego.  

Etiquetas: , , , ,

Feb. 02.

SERMOS GALIZA. En Construción.

En todo caso, a previsión do grupo promotor é celebrarmos a Xunta Xeral de accionistas, que terá de aprobar as primeiras decisións importantes da sociedade e elixir o Consello de Administración, antes de finalizar o mes de febreiro. O calendario co que traballamos prevé aínda que o dixital estará operativo no mes de marzo e o semanario nos quiosques, o máis tardar, o 17 de maio. Con certeza, o próximo Día das Letras celebrarémolo coa ilusión renovada de contarmos con voz propia: Sermos Galiza.

Despois de varios meses intensos de actividade pública, en que o obxectivo era dar a coñecer a iniciativa Sermos Galiza por toda a parte e recabar apoios para o proxecto, abordamos neste momento un traballo calado mais igualmente necesario. Pode, por iso, dar a sensación de que o proceso perdeu ritmo. Porén, nada máis lonxe da realidade. Sabemos das expectativas que levantou Sermos Galiza e por esa razón comprendemos -e partillamos- as ansias e até a impaciencia de termos o novo medio nas nosas pantallas e nas nosas mans canto antes. Sabémolo porque son moitas as persoas que nos perguntan: como vai? Cando sae?. Pois… xa falta menos!

Após termos conseguido -e mesmo ultrapasado- o obxectivo de capital social e chegarmos a 900 accionistas, estamos agora a traballar noutros aspectos necesarios para que o medio poida comezar a funcionar. É un traballo complexo e máis lento do que a tod@s nos gustaría: preparar a constitución da sociedade, proxecto xornalístico, deseño do web e do semanario, plataforma dixital, infraestrutura material… Sermos Galiza está en plena tarefa de construción!

Etiquetas: ,

Xan. 02.

Etiquetas: , , ,